Informazio Orokorra


Cartel Cómic 2018

Getxoko Komiki Azokaren 17. ekitaldia ospatuko du aurten, bineten munduaren zaleentzako derrigorrezko topaleku dena, ez bakarrik Euskal Herrian, baita kanpoan ere.


Urriaren 19tik 21era liburu-denda, argitaletxe, merchandising-denda eta fanzineen salmenta-guneak kokatuko dira Areetako Geltokia plazan eta bertaratzen direnek azken nobedadeak eskuratu eta sailak osatu ahal izango dituzte, baita komiki zaharrak, bildumagile-produktuak eta era guztietako merchandising-produktuak eskuratu ere.


Eskaintza komertzialaz gain, jarduera-programa izango da Azokan eta, Romoko Kultur Etxean hiru egunez, nobedadeen aurkezpenak, hitzaldiak, mahai-inguruak, proiekzioak eta tailerrak izango dira, besteak beste.


Ohi denez, artista ospetsuek bisitatuko dute Getxo, horietako batzuk nazioartean sona handia dutenak, eta hitzaldi eta aurkezpenetan parte hartuko dute; sinadura-saioak ere egingo dituzte, zaleek gustukoen dituzten egileak ezagutzeko aukera izan dezaten.



e-mail: comic@getxo.eus

 




Nola Etorri