| Informazioa | 2007ko Egitaraua | Aktualitatea | Profesionalentzako Gunea | Historia | Loturak |
|---|---|---|---|---|---|
Aurten 6 urteko ibilbidea beteko du Getxoko Komiki Azokak eta, hori ospatzeko, gune berri bat izango du: Manga Gunea, hain zuzen ere. Aurtengo nobedade horretan komiki japoniarraren zaleek hainbat ekitaldiz gozatu ahal izango dute. Horrela, bada, azaroaren 23tik 25era binetaren mundua protagonista izango da Getxon, bai Areetako Geltokia plazan, bai Santa Eugenia plazan. Lehenengo lekuan azokaren karpa nagusia kokatuko; bigarrenean, ordez, Mangaren Gunea.
Bai batean bai bestean, 90 bat postu egongo dira guztira. Bertan komiki-dendak, liburu-denda espezializatuak, aldizkariak, fanzineak, argitaletxeak eta bederatzigarren arteari loturiko zenbait sektore egongo dira. Esparru komertzialaz gain, hainbat ekitaldi egingo dira hiru egunetan zehar. Hori dela eta, komikizaleek ezinbesteko topagune izango dute Getxon.
Ohikoa denez, nazioarteko egileak etorriko zaizkigu azokara. Horiek guztiek hitzaldietan, aurkezpenetan eta, nola ez, hain arrakastatsuak diren sinatze-txandetan ere, horietan zaleek autorerik gustukoenak zuzen-zuzenean ezagutzeko aukera dute eta. Aurtengo azokan Miguelanxo Prado, Ibáñez, Eduardo Risso, Andy Riley, Santiago Valenzuela, Farid Boudjellal, Mark Buckingham eta TMEO aldizkariko zenbait egile egongo dira Getxon.
Ohikoa denez, erakusketa garrantzitsuak izango dira Azokan. seigarren ekitaldi honetan TMEO komiki aldizkari gasteiztarraren 20 urteko jarduerari eskainitakoa izango dugu, besteak beste, aurtengo Halaber, Hideshi Hino sortzaile japoniarraren eta MAN egilearen erakusketak ere egongo dira azokan. Azkenik, “Xabiroi” euskarazko komiki aldizkariaren eta Estudio Kôsen proiektua osatzen duten bi egileen erakusketez gozatzeko aukera izango dugu Getxon.
Zaletuek nazioarteko egileez gozatzeko aukera izango dute, gainera, hitzaldietan, aurkezpenetan eta sinadura ekitaldietan hartuko baitute parte, besteak beste. Aurten honako sortzaile handi hauek, besteak beste, etorriko zaizkigu azokara: Miguelanxo Prado, Eduardo Risso, Andy Riley, Santiago Valenzuela, Farid Boudjellal, Mark Buckingham, TMEO aldizkariko egileak eta Ibáñez. Halaber, Aldizkari gazteiztarrari eta Mortadelo eta Filemónen sortzaileari omenaldia egingo zaie bere jarduera dela eta.
Argitaletxeen eta egileen nobedadeen aurkezpenak ez dira faltako azokan. Eta ezin ahaztu hitzaldi eta mahai-inguruez, egunero izango baitira ekitaldi aretoan, baita proiekzioak ere, asko zikloetan bilduta. Izan multimediako lanak, izan animazioak, laburmetraiak, dokumentalak edo Animeak, ikusleek komiki munduarekin loturiko zineaz gozatzeko aukera izango dute.
Bestalde, Manga Gunean ere jarduera egitarau anitza egongo da. Bertan lehiaketak (mozorroak, karaoke…), tailerrak, mahai-inguruak eta bete hainbat ekitaldi izango dira. Horien artean Espainiako Pump It Up lehiaketako finala gailendu behar da. Finalean gero eta arrakastatsuago den joko horren lehiakiderik onenak bilduko dira.
Azokak gauza gehiago ere eskaintzen ditu, izan ere, Getxoko Kultur Etxeak hil osoan antolatutako jarduera batzuek komiki munduarekin zerikusia izango baitute. Zine-klubean, esaterako, "300" proiektatuko da, Frank Miller estatubatuarraren komiki ospetsuaren zinemarako adaptazioa. Cinema Paradison, berriz, "The Simpson’s: The Movie" eskainiko da, Matt Groening sortzaile handiaren pertsonaiak zinemara eraman duen filma, hain zuzen ere.
Horrez gain, udal erakustaretoetan eta Getxoko zenbait tabernatan komiki erakusketak egongo dira. Horietan Raquel Alzate, Alex Orbe, Javier de Isusi Alex Sanvi, Alberto Muriel eta Infame&Co. egileen erakusketak egongo dira. Halaber, Komiki Azoka dela eta Kultur Etxeak eta Euskal Irudigileen Elkarte Profesionalak urtero argitaratzen duten “El Balanzín” aldizkariaren erakusketa ere egingo da.
Azkenik, udal liburutegiek eta Getxoko liburu-dendek ere parte hartuko dute azokan. Liburutegiek komiki aukera berezia eskainiko dute eta liburu-dendek Azokarako gonbidapenak oparituko dituzte komikiak erostean.