2011-ko gonbidatutako Autoreak

Javier Rodríguez 90eko hamarkadaren erdialdean Espainian sortutako gazte interesgarrienetariko bat da. Haren lanetako protagonistak hogei urte inguruko gazteak dira, eta tarteka eduki sozial nabaria erakusten dute ("Love Gun", "Los Potaje"). El Vibora aldizkarian aritu ondoren, 2002. urtean "Wake Up" albuma egingo du Glénat etxearentzat, eta AEBetako merkatuan sartuko da, kolorista moduan lan egingo baitu DC eta Marvelentzat. Beranduago, bigarren albuma argitaratuko du, "Miedo", eta "Crononautas" seriea egingo du Mister K aldizkariarentzat. Aldi berean, ilustratzaile lanetan arituko da El Pais egunkarian eta beste argitalpen batzuetan. Gaur egun, "Lolita HR" seriea argitaratzen du Frantzian Les Humanoïdes Associés etxearentzat.