| Informazioa | 2009ko Egitaraua | Aktualitatea | Profesionalentzako Gunea | Historia | Loturak |
|---|---|---|---|---|---|
Dave McKean (1963, Maidenhead) Erresuma Batuko ilustratzaile eta diseinatzaile ospetsuenetakoa da. Bere ospea, neurri handi baten, Neil Gaiman gidoigile ospetsuarekin egindako lankidetzatik datorkio. McKean-ek bere herrikidearen hamaika istorio ilustratu ditu, besteak beste, “Kasu bortitzak”, “Orkidea beltza”, “Signal to Noise” edo “Mr. Punch”, betiere ahaztu gabe “The Sandman” serierako azalak edo “Batman: Arkham Asylum” eleberri grafikoan egindako lana, Grant Morrisonekin batera.
1990 eta 1996 bitartean, McKean-ek “Cages”-en hamar zenbakiren gidoiak egin eta ilustratu zituen, 1998an argitaratu zen eleberri grafikoa, artisten sormenari buruzkoa, Alberto Breccia, José Antonio Muñoz edo Lorenzo Mattoti bezalako artisten eragin estilistikoekin.
Komikiaren munduan egindako lanez gain, McKean-ek ospe handia lortu du liburuak ilustratuta, disko-azalak ilustratuta eta baita posta-zerbitzu britainarrerako zigiluak eginda. Horrez gain, 2005. urtean zinema-errealizadore estrainatu zen Sundance Zinema Jaialdian, “MirrorMask” lanarekin, Neil Gaiman-ek gidoia egin zuen pelikularekin.