| Informazioa | 2009ko Egitaraua | Aktualitatea | Profesionalentzako Gunea | Historia | Loturak |
|---|---|---|---|---|---|
| PACO ROCA KOMIKI SARI NAZIONALAK EGIN DU
GETXOKO KOMIKI AZOKAREN KARTELA
Azaroaren 27tik 29ra izango da Getxoko Komiki eta Manga Azoka aurten Getxoko VIII. Komiki eta Manga Azokak badu kartela, Paco Rocak eginikoa, iaz Komiki Sari Nazionala lortu zuena, "Arrugas" lanari esker. Ilustratzaile eta komikigile valentziarra egungo komikiaren egile ospetsuenetariko bat da eta nazioarteko zenbait sari eskuratu ditu. Rocak azaroaren 27tik 29ra Areetako Geltokia eta Erromoko Santa Eugenia plazetan izango den Getxoko azokan parte hartuko du eta erakusketa baten protagonista izango da. |
| OMENALDIA EGINGO DIE GETXOKO KOMIKI ETA MANGA AZOKAK PURITA CAMPOS ETA JUAN CARLOS EGUILLOR EGILEEI
8. Komiki Azoka azaroaren 27tik 29ra izango da Azaroaren 27tik 29ra Getxon egingo den 8. Komiki eta Manga Azokak omenaldia egingo die Purita Campos egileari, "Esther y su mundo" sail ospetsuaren marrazkilaria, hain zuzen ere, eta Juan Carlos Eguillor euskal umorista grafiko eta ilustratzaileari. Sortzaile biak Getxoko azokan egongo dira. Ohi bezala, azoka Areetako Geltokia eta Erromoko Santa Eugenia plazetan izango da. |
| DAVID LLOYD ETA DAVE MCKEAN, GETXOKO KOMIKI AZOKAN
Paco Roca, Salvador Larroca, Pascual Ferry eta Víctor Santos ere egongo dira Getxon, besteak beste Getxoko 8.Komiki Azoka azaroaren 27tik 29 izango da Areetako eta Erromoko Auzoetan eta aurten David Lloyd eta Dave McKean egile ospetsuak izango ditu gonbidatu nagusiak. Horiez gain, honako artista hauek egongo dira azokan: Paco Roca, Salvador Larroca, Pascual Ferry, Víctor Santos, Juan Carlos Eguillor eta Purita Campos. Azken biei, gainera, omenaldia egingo zaie bere jarduera luzea dela eta. |
| KOMIKI ETA MANGA AZOKAK BIÑETAREN MUNDUA EKARRIKO DU
GETXORA DATORREN ASTEAN
Aurten David Lloyden, Dave McKeanen, Marc Buckinghamen eta Paco Rocaren mailako egileak egongo dira azokan Azaroaren 27tik 29ra Getxoko zortzigarren Komiki Azoka izango da. Hiru egunetan zehar Areetako Geltokia plaza biñetaren munduko topagune bilakatuko da eta bertan, salmenta postuez gain, hainbat ekitaldi egongo dira. Iaz bezala, aurten ere mangaren mundua leku propioa izango du Santa Eugenia plazan. Zenbait postu egongo dira bertan eta ekitaldi anitz izango dira ekialdeko komikiaren inguruan. |
| 22.000 LAGUN KOMIKI ETA MANGA AZOKAN
Hiru egunetan zehar 30 artista pasatu dira Getxotik Atzo bertan amaitu zen Getxoko Komiki eta Manga Azoka eta horren emaitza ezin hobea izan da: 22.000 bat lagun egon dira, iazko kopuru berbera, hain zuzen ere. Pasa den ostiraletik zaleek bederatzigarren arteaz gozatzeko aukera izan du azokaren zortzigarren ekitaldian egon duen jarduera egitaraua anitzari esker. Iaz bezala, Areetako Geltokia eta Erromoko Santa Eugenia plazetan izan da azoka. Azken kokapen horretan Manga Gunea egon da eta, nahiz eta bere hirugarren ekitaldia izan jende ugari bildu da bertan gero eta ospe handiago lortzen ari den genero horrez gozatzeko asmotan. |